ആരാരോ - കൂടെ [2018]

Song: Aararo
Movie/Album: Koode
Year: 2018
Musician: Raghu Dixit
Lyrics: Rafeeq Ahamed
Singer(s): Anne Amie

ആരാരോ വരാമെന്നൊരീ മോഹം
വാതിൽക്കൽ കിനാവിന്റെ കാൽസ്വരം
ആരാരോ വരാമെന്നൊരീ മോഹം
വാതിൽക്കൽ കിനാവിന്റെ കാൽസ്വരം

പുലരികളിൽ പൊടിയും ഹിമകണമെന്ന പോൽ
ഇലകളിൽ നിന്നുയരും വനശലഭങ്ങൾ പോൽ
ഹൃദയമേ ചിറകാർന്നതെന്തിനോ
പ്രണയമേ നിറവാനമാകയോ
ഉദയതാരമേ അരികിലൊന്നു നീ
പ്രിയനുമായ് വേഗം പോരൂ

കടലിലേ പിറ പോലെ തിരയുമെൻ മിഴിനീളേ
മധുരമാം ഒരു നേർത്ത നൊമ്പരം
ഹൃദയവേണുവിൽ ഒരു ഗാനമായ്
വിണ്ണിൽ നിന്നുമെൻ മുടിയിൽ വന്നുതിരും പൂവുകൾ
ഇന്നതിന്റെ സൗരഭത്തിൽ ഉണരുകയായ്
പുലരിയിൽ ഒരു സ്വർണ്ണനാളമായ്
ഇരവിലും ഒരു കുഞ്ഞുമിഞ്ഞലായ്
മനസ്സിനുള്ളിലെ കുടിലിനുള്ളിലായ്
കനവുപോൽ കൂടെ ആരോ